logo de Clubexa.org

Rolda 10 da Liga 2014

Fustes Pardo, Carlos (publicado: 2014-03-28 10:36:42)

Pese ao empate do equipo de segunda PENA CLUBEXA, foi unha penúltima rolda redonda para o noso club.

En primeira, o CLUBEXA gañou contundentemente na súa visita ao ESCOLA XADREZ SIGRÁS A (0-4). Así, ademais de lograr o seu principal obxectivo que é a permanencia, sitúase na terceira praza do seu grupo cun só partido perdido, o mesmo ca os dous primeiros clasificados.

E en segunda, se ben non se puxeron de acordo no resultado, si o fixeron nos puntos acumulados polo de agora (20.5). Mentres que o AFECCIONADOS CLUBEXA gañou na súa visita ao CABO TOURIÑÁN (0.5-3.5), o PENA CLUBEXA empatou co ESCOLA XADREZ SIGRÁS B. Precisamente, eses 20.5 puntos fan que xa teñan matematicamente asegurada a permanencia. 

Para coñecer os resultados por taboleiros tedes que seguir lendo. 

 




Rolda novena da Liga 2014

Fustes Pardo, Carlos (publicado: 2014-03-20 14:09:41)

Moi boa novena rolda para o nolo club.

O primeiro que temos que facer e felicitar aos nosos compañeiros do equipo de terceira, ESCOLA DE XADREZ CLUBEXA, que lograron, por carto ano consecutivo o ascenso de categoría. E o fixeron da mellor maneira posible: gañaron no domicilio do POKERYAJEDREZ.COM ARTEIXO C por 4 a 0, consolidándose na terceira praza da clasificación final do seu grupo.

En primeira, o CLUBEXA logrou un importante empate contra o equipo GRUPO BAZÁN A. Os dous puntos conseguidos ante o, posiblemente, mellor equipo do grupo, e cunha aliñación de circunstancias, faino asegurar prácticamente a permanencia. 

E, en segunda, os nosos equipos volvéronse poñer de acordo, esta vez na vitoria que os afasta, polo de agora, do descenso. O equipo AFECCIONADOS CLUBEXA gañou por 3 a 1 a O TOQUE XIRIA, mentres que o PENA CLUBEXA endosoulle un contundente 3.5 a 0.5 ao CÍRCULO FERROLANO E.

Para coñecer os resultados por taboleiros, hai que seguir lendo. 




Rolda oitava da Liga 2014

Fustes Pardo, Carlos (publicado: 2014-03-14 13:49:29)

Dous empates, unha vitoria e unha derrota foron os resultados acadados por nosos equipos nesta oitava rolda.

En primeira, o CLUBEXA viaxou a Lugo para enfrontarse ao RECATELO CAMPUS LUGO e obtivo un empate que o acerca ao seu obxectivo principal que é a permanencia.

En segunda, este ano non lles vai moi ben aos nosos equipos. Mentres o AFECCIONADOS CLUBEXA empatou en Ferrol contra o Círculo Ferrolano C, o PENA CLUBEXA saiu derrotado de Malpica na súa visita ao GILLÁN EL PROGRESO por un contundente 3.5 a 0.5.

E en terceira, a ESCOLA DE XADREZ CLUBEXA segue con paso firme no seu grupo para lograr o ascenso (fáltalle unha rolda para confirmalo). Esta vez a súa vítima foi o AA.VV. O GAITEIRO - SIGRÁS ao que lle endosou un claro 3 a 1.

Se queres coñecer os resultados por taboleiros, segue lendo. 


Concello da Coruña

O Concello da Coruña subvencionou a participación de CLUBEXA na temporada 2022 da Liga Galega por equipos de xadrez e na Copa Galicia

ACLAD Coruña

Estamos en Facebook