Promoción á División de Honra: Non puido ser!
O 25 xogouse o encontro de volta da promoción á División de Honra e, despois do mal resultado no encontro de ida, o noso primeiro equipo gañou ao C.X. RIANXO por un 3,5 a 2,5. Resultado que foi insuficiente para consumar a remontada. Ao final o computo global foi CX RIANXO 6,5 – CLUBEXA A 5,5. Soamente queda felicitar ao rival polo seu ascenso.
De tódalas maneiras gran actuación do noso equipo nesta liga 2026 que quedou en segundo lugar do seu grupo e, incluso, acariciou o ascenso.
En canto ao resto dos nosos equipos na rolda 11 e derradeira foi a seguinte:
Na Primeira División o CLUBEXA B gañoulle ao ESCOLA XADREZ SIGRÁS - CAMBRE B por 3 a 1. Logrou manter a terceira praza do seu grupo A, completando unha boa liga 2026. Unicamente perdeu o encontro co TDFC que quedou, ademais de invicto, campión do grupo. Felicidades ao TDC polo seu ascenso.
En Segunda División o noso equipo logrou un resultado de 3 a 1 na súa visita ao CIDU INCUDE, logrando un discreto oitavo posto no seu grupo.
Mal comezo na promoción á División de Honra
O 18 xogouse o primeiro encontro da promoción á División de Honra e, a verdade, non saíu ben: o noso equipo perdeu claramente por 4 a 2 co C.X. RIANXO. Pero aínda falta o encontro de volta no que os nosos xogadores o darán todo para levantar este mal resultado.
Ademais, neste día, xogouse a décima rolda nas categorías Primeira e Segunda.
Na primeira división o noso equipo visitou o CÍRCULO FERROLANO C, gañou pola mínima e mantén a terceira posición do grupo A.
Na segunda división a ESCOLA XADREZ CLUBEXA A recibiu a visita do XIRIA CALVO CARBALLO A que gañou por un contundente 3,5 a 0,5, logrando o segundo posto do grupo B. Na próxima e derradeira rolda, o noso equipo necesita, no peor dos casos, medio punto para manter a categoría.
Promoción á División de Honra !!
O noso primeiro equipo, coa súa clara vitoria contra E.L.X. FERNANDO ALONSO por 4 a 2 na 9 e derradeira rolda da liga 2026, logrou a segunda praza do grupo A da División Preferente. Isto lle da dereito a xogar a promoción á División de Honra contra C.X. RIANXO que foi segundo no grupo B. Os encontros levaranse a cabo o 18 de abril, no noso local, e o 25 en Rianxo.
En Primeira, o noso equipo gañoulle a XADREZ DAS MARIÑAS pola mínima (2,5 a 1,5) e subiu ao terceiro posto do grupo A, eso si, empatado a puntos co cuarto clasificado CXB LUGAMI.
En segunda , a ESCOLA XADREZ CLUBEXA A, viaxou a Malpica e perdeu co GILLÁN – EL PROGRESO por 2,5 a 1,5, situándose na parte morna da táboa (sétimo posto).
En terceira, nesta nove e derradeira rolda, a ESCOLA XADREZ CLUBEXA B – CLUB DEL MAR, xogando como local, logrou unha clara vitoria por 3 a 1 contra GALICHESS ARTEIXO B, situándose no terceiro posto a medio punto do segundo que lle daría dereito ao ascenso de categoría
